Нийслэлийн Чингэлтэй дүүргийн Иргэдийн

Төлөөлөгчдийн Хурлын хороог байгуулж,

үйл ажиллагааны журмыг шинэчлэн

батлах тухай

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.3 дахь заалт, 45 дугаар зүйлийн 45.2, 45.5 дахь хэсэг, 48 дугаар зүйлийн 48.1 дэх хэсгийг тус тус үндэслэн дүүргийн Иргэдийн Төлөөлөгчдийн Хурлын ээлжит дөрөвдүгээр хуралдаанаас ТОГТООХ нь:

1. Нийслэлийн Чингэлтэй дүүргийн Иргэдийн Төлөөлөгчдийн Хурлын хэлэлцэх асуудлыг урьдчилан бэлтгэх, санал дүгнэлт гаргах, хурлын тогтоол, шийдвэрийн биелэлтийг хянан шалгах чиг үүрэг бүхий дараах хороодыг байгуулсугай. Үүнд:

1/ Эрх зүй, нутгийн удирдлагын хөгжлийн хороо

2/ Төсөв санхүү, эдийн засгийн хөгжлийн хороо

3/ Төсвийн зарцуулалтын хяналтын хороо

4/ Нийгэм, цахим бодлогын хөгжлийн хороо

5/ Ногоон хөгжил, газрын харилцааны хороо

6/ Хот байгуулалт, дэд бүтэц, үйлдвэрлэл үйлчилгээ, гэр хорооллын

    хөгжлийн хороо

7/ Ёс зүй, өргөдлийн хороо

2. Чингэлтэй дүүргийн Иргэдийн Төлөөлөгчдийн Хурлын хорооны үйл ажиллагааны журмыг хавсралт ёсоор шинэчлэн баталсугай.

3. Тогтоолын хэрэгжилтийг хангуулах арга хэмжээг зохион байгуулахыг дүүргийн Иргэдийн Төлөөлөгчдийн Хурлын Зөвлөлд үүрэг болгосугай.

4. Энэ тогтоол батлагдсантай холбогдуулан Чингэлтэй дүүргийн Иргэдийн Төлөөлөгчдийн Хурлын Тэргүүлэгчдийн 2016 оны 63 дугаар тогтоолыг хүчингүй болсонд тооцсугай.

ДАРГА                                  Б.МӨНХБАТ