Монгол Улсын Их Хурлын 2020 оны

ээлжит сонгуулийн хэсэг байгуулж, хэсгийн

нутаг дэвсгэр, төвийг зарлах тухай

2020 оны 02 сарын 28                                                 Дугаар 07                           Улаанбаатар хот

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.5 дахь заалт, 25 дугаар зүйлийн 25.1 дэх хэсэг, Улсын Их Хурлын Сонгуулийн тухай хуулийн 13 дугаар зүйлийн 13.1, 13.6 дахь хэсгийг тус тус үндэслэн ТОГТООХ НЬ:

1. Монгол Улсын Их Хурлын 2020 оны ээлжит сонгуулийн 25 дугаар тойргийн 44 хэсгийг байгуулж, нутаг дэвсгэр, төвийг хавсралт ёсоор баталсугай.

    2. Хэсгийн нутаг дэвсгэр, төвийг нийтэд зарлан мэдээллэх, иргэд сонгогчдод танилцуулах ажлыг зохион байгуулахыг дүүргийн Засаг дарга /Н.Батсүмбэрэл/-д даалгасугай.

    3. Энэхүү тогтоолыг холбогдох байгууллагуудад хүргүүлж, хэрэгжилтэд хяналт тавьж ажиллахыг Хурлын Ажлын алба /Ц.Алтанцацрал/-нд үүрэг болгосугай.

ДАРГА Л.АРИУНТУЯА