Өнөөдөр /2024.12.06/ Чингэлтэй дүүргийн иргэдийн Төлөөлөгчдийн Хурлын 2024 оны ээлжит хоёрдугаар хуралдаан хуралдлаа.

Хуралдаанаар дүүргийн Засаг даргын 2024-2028 оны үйл ажиллагааны хөтөлбөрийг хэлэлцэн баталлаа.

Хөтөлбөр нь Монгол Улсыг хөгжүүлэх таван жилийн үндсэн чиглэл болон Засгийн газрын үйл ажиллагааны хөтөлбөрийг Чингэлтэй дүүрэгт хэрэгжүүлэхэд чиглэсэн төлөвлөлтийн баримт бичиг бөгөөд агуулгын хувьд Бүсчилсэн хөгжил, Хүний хөгжил, Эдийн засаг, Ногоон хөгжил, Засаглал гэсэн 5 бодлогын хүрээнд 27 зорилго, 117 зорилтыг 2024-2028 онуудад хэрэгжүүлэн ажиллахаар төлөвлөсөн байна.

Мөн тус хуралдаанаар Чингэлтэй дүүргийн иргэдийн Төлөөлөгчдийн Хурлын зохион байгуулалтын баримт бичгүүдийг шинэчлэн батлав.

ХУРЛЫН АЖЛЫН АЛБА