ЧИНГЭЛТЭЙ ДҮҮРЭГ БНХАУ-ЫН ЭРЭЭН ХОТТОЙ ЖИЖИГ ДУНД БИЗЕНС ЭРХЛЭГЧДИЙГ ДЭМЖИХ ЧИГЛЭЛЭЭР ХАМТРАН АЖИЛЛАНА
Чингэлтэй дүүрэг нь гадаад хамтын ажиллагаа бүхий хурлын байгууллагуудтай харилцаа холбоогоо зузаатган нийгэм, соёлын үйл ажиллагаагаа хөгжүүлэхэд онцгой анхаарал хандуулан ажиллаж байна. БНХАУ-ын Эрээн хотын Иргэдийн Төлөөлөгчдийн Байнгын хорооны дарга Ж.Оюунчимэг тэргүүтэй 4 хүний бүрэлдэхүүнтэй төлөөлөгчид Чингэлтэй дүүрэгт зочиллоо. Төлөөлөгчдийг дүүргийн Иргэдийн Төлөөлөгчдийн Хурлын дарга Д.Бат-Эрдэнэ хүлээн авч уулзаж өнгөрсөн 5 жилийн хугацаанд хийж хэрэгжүүлсэн ажлаа дүгнэж, ирэх 5 жилд хэрэгжүүлэх ажлын төлөвлөгөөний талаар харилцан санал солилцлоо. Уулзалтанд Чингэлтэй дүүргийн талаас ИТХ-ын дарга Д.Бат-Эрдэнэ, ИТХ-ын Тэргүүлэгчдийн Нарийн Бичгийн Дарга бөгөөд Ажлын албаны дарга Ц.Алтанцацрал, ЗДТГ-ын дарга А.Дамцагдорж, Бизнес инкубатор төвийн захирал С.Энхтайван, Хөгжлийн бодлого төлөвлөлт, хамтын ажиллагааны хэлтсийн дарга Б.Нацагдорж, Нийгмийн хөгжлийн хэлтсийн дарга Т.Ням-очир, Хүнс, худалдаа үйлчилгээний хэлтсийн дарга Д.Булган, Эрээн хотын талаас, Эрээн хотын Иргэдийн Төлөөлөгчдийн Байнгын Хорооны дарга Ж. Оюунчимэг, Эрээн хотын Иргэдийн Төлөөлөгчдийн Байнгын хорооны, боомт гадаад явдлын хорооны дарга Д.Оюунбилэг, Эрээн хотын Иргэдийн Төлөөлөгчдийн Байнгын Хорооны дэд нарийн бичгийн дарга Жан Иү Чүн, Эрээн хотын Иргэдийн Төлөөлөгчдийн Байнгын хорооны Тамгын Газрын ажилтан Б.Амгалан нар байлцлаа. ИТХ-ын Хурлын дарга Д.Бат-Эрдэнэ БНХАУ-ын Эрээн хотын Иргэдийн Төлөөлөгчдийн Байнгын хорооны дарга Ж.Оюунчимэгт удахгүй болох БНХАУ-ын орон нутгийн сонгуульд нь амжилт хүсээд Чингэлтэй дүүрэг болон Эрээн хотын найрамдалт хамтын ажиллагаа цаашид улам бүр өргөжин хөгжиж шинэ шатанд гаргахын тулд хоёр талын хичээл зүтгэл чухал болохыг онцолсон юм.Уулзалтын үеэр ИТХ-ын дарга Д.Бат-Эрдэнэ Чингэлтэй дүүргийн жижиг дунд бизнес эрхлэгчдийн бараа бүтээгдэхүүнийг борлуулах цэгүүдийг Эрээн хотод нээн ажиллуулах, тус хотод уламжлал болон зохион байгуулагддаг үзэсгэлэн худалдаанд тогтмол оролцох, ӨМӨЗО-ны бусад хотуудад бизнес эрхлэгчдийнхээ бараа бүтээгдэхүүнийг борлуулах боломжийг нээж өгөх, боловсролын чиглэлээр ӨМӨЗО-ны муж хотуудын хэмжээнд сурагч солилцооны хөтөлбөрийг хэрэгжүүлэх, эрүүл мэндийн чиглэлээр өрхийн эмнэлэгийн эмч сувилагч нарыг ардын уламжлалт эмчилгээний чиглэлээр туршлага судлуулах зэрэг саналыг тавьж дээрх асуудлаар харилцан санал бодлоо солилцлоо. 2015 онд Эрээн хот нь дүүргийн эрүүл мэндийн салбарт бодит хөрөнгө оруулалт хийн дүүргийн хүүхдийн амбулторт шаардлагатай тоног төхөөрөмжийг нийлүүлж байсан сайн хөршийн харилцаатай юм.
Сүүлд нэмэгдсэн мэдээ
БНСУ-ЫН ЧЭЖҮ МУЖИЙН ИТХ-ЫН ДЭД ДАРГА ЯН ЁН МАН ТЭР...
Өнөөдөр /2023.07.21/ Нийслэлийн Чингэлтэй дүүргийн гадаад харилцаа, ха...
ЯПОН УЛСЫН ШИЗҮОКА МУЖИЙН ЯЙЗҮ ХОТЫН УДИРДЛАГУУД Ч...
Нийслэлийн Чингэлтэй дүүргийн гадаад харилцаа, хамтын ажиллагааг өргөж...
ЯПОН УЛСЫН ЯЙЗҮ ХОТЫН ТӨЛӨӨЛӨГЧДИЙГ ХҮЛЭЭН АВЧ УУЛ...
Тус уулзалтаар талууд хоорондын цаашдын найрсаг харилцаа, хамтын ажилл...
“УЛААНБААТАР ХОТЫН АХУЙН ХОГ ХАЯГДЛЫН ЦУГЛУУЛАЛТ,...
Швейцарын хөгжлийн агентлагийн дэмжлэгээр хэрэгжиж буй “Улаанбаатар хо...
ЯПОН УЛСЫН ЯЙЗҮ ХОТЫН ЗАСАГ ДАРГЫН ОРЛОГЧ ШИМОЯМА...
Нийслэлийн Чингэлтэй дүүргийн иргэдийн Төлөөлөгчдийн Хурлын дарга Б.Мө...
ХОРООДЫН ӨРХИЙН ЭРҮҮЛ МЭНДИЙН ТӨВҮҮДЭД НЯРАЙН ШАРЛ...
Дэзэрэт Олон Улсын Энэрлийн Байгууллагын хамтын ажиллагаас 160 сая төг...