Хуралдаанаар дүүргийн 2025 оны төсөв, дүүргийн 2024 оны газар зохион байгуулалтын төлөвлөгөөг дүгнэж, 2025 оны төлөвлөгөөний төслийг тус тус хэлэлцэн баталлаа.

Дүүргийн төсвийн 2025 оны хөрөнгө оруулалтыг барилга, зам, замын байгууламж, тохижилт, засварын ажлууд, тоног төхөөрөмж, зураг төсөв, бусад төсөл, арга хэмжээнүүдийг санхүүжүүлэхэд хөрөнгө оруулалтыг чиглүүлж, өмнөх онуудад эхлүүлсэн төсөл, арга хэмжээнүүдийг дуусгах үндсэн зарчим, бодлогыг баримтлан боловсруулсан бөгөөд нийт 199 төсөл, арга хэмжээг хэрэгжүүлэхээр төлөвлөлөө.

Төсвийн хөрөнгө оруулалтаар хэрэгжүүлэх төслүүдийн хувьд дараах шалгууруудыг баримталж тусгасан. Үүнд:

• Бодлогын баримт бичгүүдийн зорилго, зорилттой нийцсэн байх;

• Эдийн засгийн үр ашиг, нийгмийн ач холбогдолтой байх;

• 20 минутын хот төлөвлөлтийн концепцтэй уялдсан байх;

• Зураг төсөвтэй байх гэсэн үндсэн 4 шалгуур үзүүлэлтээр төслүүдийг эрэмбэлсэн.

Мөн дүүргийн Засаг даргын 2024-2028 оны үйл ажиллагааны хөтөлбөрт тусгасан бодлогыг хэрэгжүүлэхэд бүхэлд нь чиглүүлж, энэ хүрээнд хотын бүтээн байгуулалт, Сэлбэ дэд төвийн орон сууцны иж бүрэн цогцолбор хороолол зэрэг томоохон төсөл, арга хэмжээний санхүүжилтийг газар чөлөөлөлтийн зардлын хамт тусгасан болно.

Дүүргийн 2025 оны төсөвт боловсролын салбарт чиглэсэн төсөл, арга хэмжээг түлхүү хэрэгжүүлэхээр төлөвлөж, сургууль, цэцэрлэгийн орчин нөхцөлийг сайжруулах, барилга, байгууламж, газар чөлөөлөлт, засвар үйлчилгээний ажлыг эрчимжүүлэх, багш, ажилчдыг ая тухтай ажиллах нөхцөл боломжийг хангах замаар сургалтын чанар, хүртээмжийг нэмэгдүүлэхийг зорьсноороо онцлог болсон юм.

ХУРЛЫН АЖЛЫН АЛБА