“ТУСГААР ТОГТНОЛЫН ҮНЭ ЦЭНЭ” ЛЕКЦЭД 500 СУРАГЧ ХАМРАГДЛАА

Чингэлтэй дүүргийн ерөнхий боловсролын сургуулиудын төгсөх ангийн сурагчдад зориулсан “Тусгаар тогтнолын үнэ цэнэ” сэдэвт лекц, арга хэмжээ боллоо. Энэ нь төгсөх ангийн сурагчдад 1921 оны Ардын хувьсгалын ялалт байгуулсан Анхны долоогийн түүхэн үйл хэрэг, түүний ач холбогдлыг таниулж, ойлгуулах, түүх соёлын жимээр аялуулж, эх орон, тусгаар тогтнолын үнэ цэнийг таниулах зорилготой юм. Арга хэмжээнд дүүргийн ерөнхий боловсролын 18 сургуулийн төгсөх ангийн 500 гаруй сурагчийг хамруулав. Хүндэт зочноор дүүргийн иргэдийн Төлөөлөгчдийн Хурлын дарга Т.Уламбаяр оролцсон бол түүхийн ухааны доктор Л.Санчир сурагчдад тусгаар тогтнолын төлөө үнэтэй хувь нэмэр оруулсан эрхмүүдийн талаар илтгэл танилцууллаа. Мөн энэ үеэр дүүргийн  иргэдийн Төлөөлөгчийн Хурал дахь Монгол Ардын намын бүлгийн дарга Н.Бямбагэрэл “Эх орны ирээдүй болсон дүү нар минь эх орныхоо төлөө хариуцлагатай иргэн болж төлөвших, эрх үүргээ ухамсарлан ойлгож, мэдэж авч, ирээдүйд эх орноо хамгаалах, зэвсэгт хүчинд гүйцэтгэх үүрэг оролцоогоо биелүүлэх үүргийн тухай ойлголттой болсон гэдэгт итгэж байна” гэлээ.