Чингэлтэй дүүрэгт 24 хорооноос 35 төлөөлөгч сонгогдон ажиллаж байгаа бол Баянгол дүүргийн тухайд 34 хороонд 41 төлөөлөгч бий.

Чингэлтэй дүүргийн Иргэдийн хурлын зүгээс хэд хэдэн чиглэл барьж ажиллаж байгаагаа Хурлын дарга Т.Уламбаяр танилцууллаа.

-Нэгдүгээрт, иргэдийн хурал бодлогын байгууллага гэдэг чиглэлээ илүү баримталж ажиллах, төлөөлөгчдийг тойрогт нь түлхүү ажиллуулахад анхаарах,

-Хоёрдугаарт, хурлыг байнгын, тасралтгүй үйл ажиллагаатай байлгах үүднээс хурлын хороодын үйл ажиллагааг эрчимжүүлэх,

-Гуравдугаарт, Гэмт хэргээс урьдчилан сэргийлэх ажлыг зохицуулах салбар зөвлөл болон Гамшгийн эрсдэлийг бууруулах Чингэлтэй дүүргийн зөвлөлийн үйл ажиллагааг нэмэгдүүлж, оновчтой байлгах гэсэн гол чиглэл барьж байгаа юм.

Чингэлтэй дүүргийн тухайд Гэмт хэргээс урьдчилан сэргийлэх ажлыг зохицуулах салбар зөвлөл болон Гамшгийн эрсдэлийг бууруулах Чингэлтэй дүүргийн зөвлөлийн бүрэлдэхүүнд төрийн бус байгууллагын төлөөллүүдийг нэмж, дүүргийн хэмжээнд 700 нийтийн эргүүл ажиллуулж гэмт хэрэг болон гамшгаас урьдчилан сэргийлэх ажилд олон нийтийн оролцоог хангаж байгааг сайшаалаа.