БНХАУ-ЫН ҮШИ ХОТЫН ТӨЛӨӨЛӨГЧИД ХУДАЛДАА, ЖДҮ-ИЙН ЧИГЛЭЛЭЭР ХАМТРАН АЖИЛЛАХ СОНИРХОЛТОЙ БАЙГААГАА ИЛЭРХИЙЛЛЭЭ

Чингэлтэй дүүрэг БНХАУ-ын Үши хотын зочид, төлөөлөгчидтэй уулзаж, хамтын ажиллаагааны талаар санал солилцлоо. Уулзалтад Чингэлтэй дүүргийн иргэдийн Төлөөлөгчдийн Хурлын дарга Т.Уламбаяр, Хурлын Нарийн бичгийн дарга бөгөөд Ажлын албаны дарга П.Баянбаатар, дүүргийн Ерөнхий менежер Л.Цэеэрэгзэн, Засаг даргын Тамгын газран Хүнс, худалдаа, үйлчилгээний хэлтсийн дарга М.Навчаа нар оролцов. БНХАУ-ын талаас Бээжингийн Гадаад соёл, худалдааны холбооны Үши хот дахь салбарын спорт, соёлын бүтээлийн хорооны ерөнхийлөгч Жан Юнфэй, “Үши хун гай хуй худалдаа” ХХК-ийн захирал Юн Хуйпин нар оролцсон юм. Үши хот нь Жянсү мужийн харьяат. Долоон сая гаруй хүн амтай. БНХАУ-ын 50 том хотод багтдаг. Хятадын томоохон гангийн үйлдвэрлэл болон хамгийн том агаарын тээврийн боомт Үши хотод бий. Мөн газар нутгийн байршлын хувьд эдийн засгийн өндөр ач холбогдолтой. Сүүлийн жилүүдэд эдийн засаг нь хурдацтай өсөж, ДНБ нь таван жилийн турш БНХАУ-даа эхний тавдугаарт бичигдэж байна. Чингэлтэй дүүрэгтэй цаашдын хамтын ажиллагаагаа худалдаа, жижиг, дунд үйлдвэрлэлийн чиглэлээр харж байгаа төдийгүй үхрийн мах, ноос, ноолуур импортлох сонирхолтой байгаагаа уулзалтын үеэр БНХАУ-ын талаас онцоллоо. Хурлын дарга Т.Уламбаярын зүгээс ирэх жилүүдэд дүүрэгт өрнөх бүтээн байгуулалт, дэд бүтэц, томоохон төслүүдийг танилцуулж, энэ чиглэлд хамтран ажиллах боломжтойг мөн хэлсэн юм. Чингэлтэй дүүрэг нь гадаад хамтын ажиллагаагаа улам өргөжүүлэн ажилласаар байгаа. Өнөөдрийн байдлаар зургаан улсын 22 дүүрэг, мужтай хамтын ажиллагаатай байна.