ЭРҮҮЛ МЭНДИЙН ТӨВД ТЭРГЭНЦЭР ГАРДУУЛАН ӨГЛӨӨ

          Нийслэлийн Чингэлтэй дүүргийн иргэдийн Төлөөлөгчдийн Хурлын дарга Б.Мөнхбатын санаачлан эхлүүлсэн дүүргийн ИТХ болон Дэзэрэт Олон Улсын Энэрлийн Байгууллагын хамтын ажиллагааны хүрээнд хөгжлийн бэрхшээлтэй иргэдэд нэн шаардлагатай тоног төхөөрөмж болох 5 тэргэнцэр болон нярайн шарлалтын аппаратыг дүүргийн Эрүүл мэндийн төвд гардуулан өглөө.

Ийнхүү дүүргийн Эрүүл мэндийн төв нь нярайн шарлалтын тоног төхөөрөмжтэй болсноор нярайн шарлалтыг эрт үед нь оношилж, үүсэж болзошгүй эрсдэлээс урьдчилан сэргийлж, эмчлэх боломж нөхцөл бүрдлээ.  

        Тус арга хэмжээнд Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат, ИТХ-ын Ажлын албаны дарга Д.Бямбаа, дүүргийн Эрүүл мэндийн төвийн дарга Э.Наранхүү, Дэзэрэт Олон Улсын Энэрлийн байгууллагын төлөөлөл Д.Одмаа, Ж.Батмөнх нар оролцлоо.

ХУРЛЫН АЖЛЫН АЛБА