ТӨСӨВ САНХҮҮ, ЭДИЙН ЗАСГИЙН ХӨГЖЛИЙН ХОРООНЫХОН ДҮҮРГИЙН ТАТВАРЫН ХЭЛТЭСТ АЖИЛЛАЛАА

Нийслэлийн ️ Чингэлтэй дүүргийн иргэдийн Төлөөлөгчдийн Хурлын Төсөв санхүү, эдийн засгийн хөгжлийн хорооныхон дүүргийн Татварын хэлтэст ажиллаж, үйл ажиллагаатай танилцлаа. Хурлын хорооны дарга Ц.Содхүү, гишүүн Б.Буянтогтох, Э.Ганчимэг, А.Лхагвадорж, Б.Нямдорж, З.Очирбат, С.Энхтайван нар арга хэмжээнд оролцсон бөгөөд дүүргийн Татварын хэлтсийн дарга Н.Туул үйл ажиллагаа, бүтэц зохион байгуулалтын талаар Хурлын хорооны гишүүдэд танилцуулав. Мөн цаашид авч хэрэгжүүлэх арга хэмжээний талаар харилцан санал солилцсон юм. Дашрамд дурдахад, дүүргийн хэмжээнд 142 мянга гаруй татвар төлөгч бүртгэгдсэн бөгөөд энэ оны I улирлын байдлаар дүүргийн төсвийн гүйцэтгэл 96.7 хувьтай байна.