chingelteicouncil

Чингэлтэй дүүргийн Ахмадын хөгжлийн төвийн нээлт боллоо

Чингэлтэй дүүргийн Ахмадын хөгжлийн төвийн нээлт боллоо. Арга хэмжээнд дүүргийн иргэдийн Төлөөлөгчдийн Хурлын дарга Т.Уламбаяр, Засаг дарга Н.Мандуул, дүүргийн иргэдийн Төлөөлөгчдийн Хурлын Төлөөлөгч Ц.Амаржаргал, С.Уянгазул, Ахмадын хорооны дарга П.Төвсанаа, ахмадын зөвлөлийн дарга нар болон бусад зочид, төлөөлөгчид оролцлоо.

Энэхүү Ахмадын өргөө ашиглалтад орсноор 7, 8 9, 10, 11 дүгээр хорооны ахмадууд чөлөөт цагаа өнгөрүүлэх, хөгжлийн болон нийгмийн үйл ажиллагаа тогтмол зохион байгуулах боломжтой болж байна.

Чингэлтэй дүүрэгт 16 өрхийн эрүүл мэндийн төвд Ахмадын эмч ажиллаж байгаа юм. Дүүргийн удирдлагуудын зүгээс цаашид ахмадуудын эрэлт хэрэгцээнд нийцсэн хөгжлийн болон нийгмийн үйлчилгээг тогтмол үзүүлэх, Ахмадын хөгжлийн төвийг үе шаттай нээхээр төлөвлөж байна гэлээ.