ЧИНГЭЛТЭЙ ДҮҮРГИЙН ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛ ХУРАЛДЛАА

Чингэлтэй дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн 10 дугаар хуралдаан боллоо. Хуралдаанаар дүүргийн 2026 оны наймдугаар сарын эрүү болон хэв журмын нөхцөл байдал, холбогдох байгууллагуудын мэдээллийг сонсож танилцав. Мөн энэ үеэр дараах асуудлуудыг хэлэлцлээ.

Хороодын гудамж, байрны нийтийн эргүүлийн наймдугаар сарын урамшууллыг олгох, дүүргийн Цагдаагийн газрын хэвийн үйл ажиллагаанд шаардлагатай техник, тоног төхөөрөмжийн дэмжлэг үзүүлэх, дүүргийн Шүүх шинжилгээний хэлтэст мэргэшүүлэх сургалт зохион байгуулах, Олон нийтийн эргүүлийн уулзалт зохион байгуулах зэрэг асуудлыг дэмжин шийдвэрлэсэн юм.

Наймдугаар сард хүлээн авч шалгасан гомдол мэдээллээр, нийт дуудлага өмнөх оны мөн үеэс 1,232-р буурсан бол, Гэмт хэргийн шинжтэй дуудлага мэдээлэл өмнөх оны мөн үеэс 415-р, Зөрчлийн шинжтэй дуудлага 814-р тус тус буурчээ.