"ЧИНГЭЛТЭЙД ҮЙЛДВЭРЛЭВ" АРГА ХЭМЖЭЭНИЙ ХЭРЭГЖИЛТТЭЙ ТАНИЛЦЛАА

Үйлдвэрлэл үйлчилгээ, хөдөлмөр эрхлэлтийг дэмжих хороо өргөтгөсөн хэлбэрээр хуралдаж, "Чингэлтэйд үйлдвэрлэв" арга хэмжээний хэрэгжилттэй танилцлаа.

Жижиг, дунд үйлдвэрлэл эрхлэгч иргэдийн орлогыг нэмэгдүүлэх, үндэсний үйлдвэрлэлээ дэмжих, гадаад, дотоодын зах зээл дэх борлуулалтыг нэмэгдүүлэхэд чиглэсэн тодорхой ажлуудыг зохион байгуулсан юм. Үүнээс дурдвал, зөөврийн ажлын байрны  дэмжлэгт хамрагдсан 128 түр ажлын байранд гэрээ хийн, бизнес эрхлэгчийг дэмжин ажилласан байна. Мөн “Хөгжлийн бэрхшээлтэй иргэний ажлын байрыг дэмжих” ажлын хүрээнд 41 төсөл ирснээс 23 иргэний төслийг сонгон шалгаруулж, “Хөдөлмөр эрхлэлтийг дэмжих сан”-аас санхүүгийн дэмжлэг олгосон талаар танилцуулав.

Хуралдаанд оролцсон хорооны гишүүдийн саналаар тус асуудлыг дүүргийн иргэдийн Төлөөлөгчдийн Хурлын ээлжит хуралдаанаар хэлэлцүүлэхийг дэмжлээ.