“Чингэлтэйн боловсрол–2028” хөтөлбөрийн хүрээнд сургалт, хэлэлцүүлэг зохион байгуулж байна

“Чингэлтэйн боловсрол–2028” хөтөлбөрийн хүрээнд дүүргийн ерөнхий боловсролын сургуулийн багш нарт зориулсан сургалт, хэлэлцүүлгийг үе шаттайгаар зохион байгуулж байна.

Өнөөдрийн сургалт, хэлэлцүүлэгт бага боловсролын 333 багш хамрагдаж, “Цахим сорил”-ын сургалтад оролцон, багшийн чадамжийн сорилын үр дүнг хэлэлцлээ. Энэхүү сорил нь багш нарын мэдлэг, ур чадварын түвшинг тодорхойлж, цаашид анхаарах чиглэл, чадавхыг нэмэгдүүлэхэд чиглэж байна.

Мөн Боловсролын хэлтсээс 2026–2027 оны хичээлийн жилд бага ангийн багш нарын мэдлэг, ур чадвар, сургалтын арга зүйг сайжруулах, суурь чадамжийг бэхжүүлэхэд чиглэсэн төлөвлөгөөг боловсруулан ажиллаж байна.

Сургалтын үеэр оролцогчид тулгамдаж буй асуудлуудаа хэлэлцэж, харилцан санал солилцон, шийдлийн талаар ярилцлаа.