ДҮҮРГИЙН ЗАРИМ ХЭЛТЭС, АЛБАНЫ ЦАХИМ ҮЙЛЧИЛГЭЭНИЙ ХЭРЭГЖИЛТ, ЯВЦТАЙ ТАНИЛЦЛАА

Дүүргийн Иргэдийн Төлөөлөгчдийн хурлын Нийгэм, цахим бодлогын хөгжлийн хороо хуралдаж, гурван асуудал хэлэлцлээ. Тодруулбал, Газар зохион байгуулалтын алба, Улсын бүртгэлийн хэлтэс, Эрүүл мэндийн төвийн цахим   үйлчилгээний хэрэгжилт, явц, үр дүнтэй танилцлаа.

Төрийн байгууллагын цахим үйлчилгээний талаарх мэдээллийг иргэд олон нийтэд сурталчлан таниулж, мэдээллээр хангах шаардлагатайг хурлын хорооны гишүүд сануулллаа. Мөн төрийн байгууллагын цахим үйлчилгээний платформ хөгжүүлэлтийг иргэдэд ойлгомжтой байдлаар хийж хэрэгжүүлэхэд анхаарах, дүүргийн харьяа төрийн байгууллагуудын уялдаа холбоог сайжруулж, салбар дундын хамтын ажиллагааг нэмэгдүүлэх хэрэгтэйг нэмж хэлсэн юм.

Ингэхийн тулд төрийн байгууллагын цахим үйлчилгээний хэрэгжилтийн талаар иргэд олон нийтээс санал асуулга авах ажлын зохион байгуулах санал гаргав.