Эрх зүй, нутгийн удирдлагын хөгжлийн хороо хуралдаж, “Хүний нөөц, нийгмийн баталгаа -2028”, “Эх оронч цэрэг-2028”, “Амартайван Чингэлтэй-2028” арга хэмжээний хэрэгжилтийг хэлэлцэв

Чингэлтэй дүүргийн иргэдийн Төлөөлөгчдийн Хурлын Эрх зүй, нутгийн удирдлагын хөгжлийн хороо хуралдлаа. Тус хороо харьяалах асуудлынхаа хүрээнд “Хүний нөөц, нийгмийн баталгаа -2028”, “Эх оронч цэрэг-2028”, “Амартайван Чингэлтэй-2028” арга хэмжээний хэрэгжилтийг хэлэлцэв. Ингээд уг асуудлуудыг хуралд оролцсон хорооны нийт гишүүдийн саналаар дүүргийн иргэдийн Төлөөлөгчдийн Хурлын ээлжит хуралдаанаар хэлэлцүүлэхийг дэмжив.

Хуралдаанд Эрх зүй, нутгийн удирдлагын хөгжлийн хорооны дарга Д.Мөнхтөр, гишүүн Х.Алтаншагай, З.Бямбажав, Б.Ерөө, Э.Уянга, А.Эрдэнэбат, дүүргийн иргэдийн Төлөөлөгчдийн Хурлын Нарийн бичгийн дарга бөгөөд Хурлын Ажлын албаны дарга Б.Нацагдорж, Засаг даргын Тамгын газрын дарга Ж.Тамир нар оролцов.

Мөн Засаг даргын Тамгын газрын Төрийн захиргааны удирдлагын хэлтсийн дарга Т.Батцэцэг, Хууль эрх зүйн хэлтсийн дарга Г.Хурцбаяр, Цагдаагийн газрын 1 дүгээр хэлтсийн Тэргүүн дэд бөгөөд эрүүгийн цагдаагийн тасгийн дарга дэд хурандаа Э.Даваадорж нар оролцож, хэлэлцэх асуудлын танилцуулгыг хийсэн юм.