Хүний эрх, ёс зүй, өргөдлийн хороо хуралдаж, гурван асуудал хэлэлцлээ

Чингэлтэй дүүргийн иргэдийн Төлөөлөгчдийн Хурлын Хүний эрх, ёс зүй, өргөдлийн хороо хуралдаж, гурван асуудал хэлэлцлээ. Тодруулбал, дүүргийн Засаг даргын Тамгын газрын “Ёс зүйн дэд хороо”, Төрийн албан хаагчийн ёс зүйн дүрмийн хэрэгжилт болон иргэдээс ирүүлсэн санал, хүсэлт, өргөдөл, гомдлын шийдвэрлэлтийн явц, үр дүнтэй танилцсан юм. Мөн төрийн албан хаагчийн нийгмийн баталгааг хангах хүрээнд ирсэн өргөдөл, гомдлын шийдвэрлэлттэй танилцав.  Танилцуулгыг Төрийн захиргааны удирдлагын хэлтсийн дарга Т.Батцэцэг хийлээ. Хурлын хорооны гишүүдийн зүгээс иргэдээс ирүүлсэн өргөдөл, гомдол, санал хүсэлтийг судалж, бодитой хариу өгөх ёстой гэдгийг санууллаа.