“ИРЭЭДҮЙД БЭЛТГЭХ ЭНТЕРПРАЙЗ” ХӨТӨЛБӨРИЙН ХААЛТЫН АРГА ХЭМЖЭЭ БОЛЛОО

“Ирээдүйд бэлтгэх энтерпрайз” хөтөлбөрийн хаалтын арга хэмжээ боллоо. Арга хэмжээнд дүүргийн иргэдийн Төлөөлөгчдийн Хурлын Нарийн бичгийн дарга бөгөөд Ажлын албаны дарга Б.Нацагдорж, Цагдаагийн 1-р хэлтсийн хүүхдийн асуудал хариуцсан ахлах мэргэжилтэн Г.Ууганцэцэг, Насан туршийн суралцахуйн төвийн захирал Л.Идэр, Чингэлтэй дүүргийн Хүүхэд, гэр бүлийн хөгжил, хамгааллын хэлтсийн Хүний нөөц, дотоод асуудал хариуцсан ахлах мэргэжилтэн Д.Лхаасүрэн нар оролцов. Хөтөлбөрт хамрагдсан 14 багаас 117-р сургуулийн “Аюулгүй зам, хүүхдийн инээд” төсөл тэргүүн байр эзэлсэн бол дэд байрт  23-р  сургуулийн “Тусгал баг-23”, 3-р байрт 61 дүгээр сургуулийн “Гэрэлт ирээдүй” төслийн баг шалгарсан юм. Өөрсдийгөө хөгжүүлж, бусдыг манлайлж, ур чадвараа өсгөж, төслөө амжилттай төгссөн 30 багш, 100 хүүхдэд Гэрчилгээ гардуулан өглөө.