ҮЙЛДВЭРЛЭЛ ҮЙЛЧИЛГЭЭ, ХӨДӨЛМӨР ЭРХЛЭЛТИЙГ ДЭМЖИХ ХОРОО “ҮДИЙН ЦАЙ” ХӨТӨЛБӨРИЙН ХЭРЭГЖИЛТТЭЙ ТАНИЛЦЛАА

Чингэлтэй дүүргийн иргэдийн Төлөөлөгчдийн Хурлын Үйлдвэрлэл үйлчилгээ, хөдөлмөр эрхлэлтийг дэмжих хороо хуралдлаа. Хуралдаанд хурлын хорооны дарга Н.Доржпүрэв, гишүүн З.Бямбажав, О.Есөнтөмөр, Ш.Мөнх-Оргил, Ш.Нарантунгалаг нар оролцов.

Хуралдаанаар хорооны 2025 онд зохион байгуулах үйл ажиллагааны төлөвлөгөөний хэрэгжилтийг хангах хүрээнд дүүргийн ерөнхий боловсролын сургуулиудын “Үдийн цай” хөтөлбөрийн хэрэгжилттэй танилцаж, цаашид хэрэгжүүлэх арга хэмжээний талаар харилцан санал солилцлоо.

Мөн хурлын хорооны эрхлэх асуудлын хүрээнд дүүргийн 1-24 дүгээр хорооны аж ахуйн нэгж байгууллагуудад шаардлагатай сургалт, уулзалтыг зохион байгуулахаар төлөвлөн ажиллаж байна.