КОРОНАВИРУСИЙН ХАЛДВАРААС СЭРГИЙЛЭХ УРИАЛГА ГАРГАЛАА

Өнөөдөр буюу гуравдугаар сарын 10-ны өдөр Чингэлтэй дүүргийн Иргэдийн Төлөөлөгчдийн Хурлын Тэргүүлэгчид цаг үеийн асуудлаар хуралдаж,  нийслэл, дүүргийн нийт иргэд, аж ахуй нэгжүүдэд хандаж хорио цээрийн дэглэмийн үед анхаарал болгоомжтой байж, хорио цээрийн дэглэмийг сахиж, төрийн болон мэргэжлийн байгууллагуудаас өгч буй зөвлөгөө, анхааруулгыг чанд сахихыг уриаллаа. 
Мөн Улсын онцгой комиссын шийдвэр, Нийслэлийн Засаг даргын Захирамжийг хэрэгжүүлж, хяналт тавьж ажиллахыг холбогдох хэлтэс албадын дарга нарт үүрэг болгов. 

Улс орон даяар онцгой нөхцөл байдалд сонор сэрэмжээ нэмэгдүүлсэн энэ цаг үед “COVID-19” вирусийн халдвараас та өөрийгөө болон хайртай дотны хүмүүсээ хамгаалахыг Чингэлтэй дүүргийн Иргэдийн Төлөөлөгчдийн Хурлаас УРИАЛЖ БАЙНА.