Бидний ирээдүй, үр хойчид боловсрол олгох үйл хэрэгт эрдэм мэдлэг, авьяас чадвар, ур ухаан, бүхий л амьдралаа зориулсан ахмад багш нар болон боловсролын салбарт бие сэтгэл, оюун ухаанаа зориулан хүчин зүтгэж сурган хүмүүжүүлэх хүндтэй бөгөөд хариуцлагатай үүргийг нэр төртэй биелүүлж яваа нийт багш, ажилтан, албан хаагчид ТА бүхэндээ хүндэтгэл, талархлаа илэрхийлж, эрдмийн гэгээн үйлсэд нь их амжилт хүсэн ерөөе.

Улс эх орныхоо хөгжил, цэцэглэлтийн төлөө үнэтэй хувь нэмэр оруулж залуу нас, халуун сэтгэлээ зориулсан, ирээдүй хойч, залуу үедээ үлгэр дуурайлал үзүүлж буй үе үеийн ахмадууд, буянтай буурлууддаа "Олон Улсын ахмадын өдөр"-ийн баярын мэнд хүргэе.

Төр түмнийхээ түшиг болсон ахмадууд Та бүхэндээ эрүүл энх байж, урт наслахын өлзийтэй сайхан ерөөлийг дэвшүүлье.

Чингэлтэй дүүргийн Иргэдийн Төлөөлөгчдийн Хурлын дарга

Бүлтэнхүүгийн Мөнхбат