МОНГОЛ, ОРОСЫН ХАМТАРСАН ОЛОН УЛСЫН ҮЗЭСГЭЛЭН ХУДАЛДАА ТУСГААР ТОГТНОЛЫН ТАЛБАЙД БОЛЖ БАЙНА

Монгол, Оросын хамтарсан олон улсын үзэсгэлэн худалдаа Тусгаар тогтнолын талбайд болж байна. Үзэсгэлэн худалдаанд Буриад Улсын 20 гаруй аж ахуйн нэгж шинэ хүнсний бүтээгдэхүүн, суулгац, бордоо, бэлэг дурсгалын зүйлс, барилгын материалууд, нийтийн хэрэглээний бараа бүтээгдэхүүнээ дэлгэлээ.

Уг үзэсгэлэн худалдааны нээлтийн арга хэмжээ өнөөдөр болж, дүүргийн иргэдийн Төлөөлөгчдийн Хурлын дарга Т.Уламбаяр, ОХУ-ын Монгол Улсад суугаа Онц бөгөөд бүрэн эрхт Элчин сайд Евсиков Алексей Николаевич тэргүүтэй бусад зочид, төлөөлөгчид оролцлоо.

Хоёр орны найрамдалт хамтын ажиллагааг бэхжүүлэх, бизнес эрхлэгчид, аж ахуйн нэгж, жижиг дунд үйлдвэрлэгчид бараа бүтээгдэхүүнээ харилцан борлуулах, хоёр улсын зах зээлд гарган туршлага солилцоход энэхүү үзэсгэлэн худалдаа ихээхэн дэмжлэг болно гэж талууд онцолсон юм.