“ҮНДСЭН ХУУЛИА ДЭЭДЛЭЕ” СУРГАЛТАД 19 ХОРООНЫ 1000 ГАРУЙ ИРГЭД ХАМРАГДАВ

Чингэлтэй дүүргийн Иргэдийн Төлөөлөгчдийн Хурлын Хурлын ажлын албанаас Монгол Улсад Ардчилсан Үндсэн хууль батлагдсаны 27 жилийн ойг тохиолдуулан иргэдэд Үндсэн хуулийг сурталчлан таниулах зорилгоор “Үндсэн хуулиа дээдлэе” сургалтыг 1-19 дүгээр хороодын Иргэний танхимаар дамжуулан зохион байгуулаа.Сургалтын үйл ажиллагаанд тухайн хороодоос сонгогдсон Иргэдийн Төлөөлөгчдийн Хурлын Төлөөлөгчид оролцож, сургалтыг Легал протекшн Хууль зүйн фирмийн Хуульч, өмгөөлөгч Л.Бямбасүрэн, Ж.Ганболд нар удирдан явуулав. Сургалтад Чингэлтэй дүүргийн 19 хорооны 1000 гаруй иргэд хамрагдлаа. Монгол Улсын Ардчилсан Үндсэн хуулийг 1992 оны нэгдүгээр сарын 13-нд Ардын Их Хурлаар оршил, 6 бүлэг, 70 зүйлтэй баталж, тухайн оныхоо хоёрдугаар сарын 12-ны өдрөөс эхлэн дагаж мөрджээ. Нийтээр тэмдэглэх баярын болон тэмдэглэлт өдрүүдийн тухай хуульд жил бүрийн нэгдүгээр сарын 13-ны өдрийг “Үндсэн хуулийн өдөр” хэмээн нийтээр тэмдэглэхээр хуульчилсан байдаг. Энэ онд Монгол Улсын ардчилсан Үндсэн хууль батлагдсаны 27 жилийн ой тохиож байгаа юм.