Нийслэлийн Чингэлтэй дүүргийн Иргэдийн Төлөөлөгчдийн 9 дэх удаагийн Хурлын Анхдугаар хуралдаан хуралдлаа

Өнөөдөр (2020.10.23) Нийслэлийн Чингэлтэй дүүргийн Иргэдийн Төлөөлөгчдийн 9 дэх удаагийн Хурлын Анхдугаар хуралдаан хуралдаж, шинээр сонгогдсон 35 Төлөөлөгчдийн бүрэн эрхийг хүлээн зөвшөөрч, Хурлын даргаар 16 дугаар тойргоос сонгогдсон Төлөөлөгч Бүлтэнхүүгийн Мөнхбатыг сонгон баталж, дүүргийн Засаг даргад Банзрагчийн Цэрэнг томилуулахаар нэр дэвшүүллээ. Түүнчлэн Хурлын Тэргүүлэгчид, Хурлын хороод тэдгээрийн бүрэлдэхүүнийг тус тус хэлэлцэн баталлаа.

            Тус дүүргийн Иргэдийн Төлөөлөгчдийн Хуралд Монгол Ардын намын 30, Ардчилсан намын 3, Хөдөлмөрийн Үндэсний намын 2  төлөөлөл тус тус сонгогдож, Чингэлтэй дүүргийн иргэд, сонгогчдыг төлөөлөн ажиллахаар боллоо.