Нийгэм, цахим бодлогын хөгжлийн хороо дүүргийн Хүүхэд, гэр бүлийн хөгжил, хамгааллын хэлтсийн Түр хамгаалах байрны үйл ажиллагаа, нөхцөл байдлыг судлан ажиллалаа. Энэ үеэр Хүүхэд, гэр бүлийн хөгжил, хамгааллын хэлтсийн дарга Х.Азбаяр гэр бүл, хүүхэд, залуучуудын чиглэлээр үйл ажиллагаа явуулж буй олон улсын байгууллагуудын үйл ажиллагаа, судалгаа, мэдээллийг хорооны гишүүдэд танилцуулсан юм.

Үүний дараа цаашид авч хэрэгжүүлэх арга хэмжээ, шаардлагатай асуудлуудын талаар санал солилцож, хамтын ажиллагааг өргөжүүлэх чиглэлээр ярилцлаа.

Уулзалтад Нийгэм, цахим бодлогын хөгжлийн хорооны дарга Д.Отгонбаатар, гишүүд Ц.Амаржаргал, Д.Уянга, Ч.Хонгорзул, С.Баярсайхан нар оролцлоо.