ТӨСВИЙН ЗАРЦУУЛАЛТЫН ХЯНАЛТЫН ХОРОО ХУРАЛДАЖ, ТӨСӨВТ ҮЙЛДВЭРИЙН ГАЗРУУДЫН ҮЙЛ АЖИЛЛАГАА, ТӨСӨВТЭЙ ТАНИЛЦЛАА

Чингэлтэй дүүргийн иргэдийн Төлөөлөгчдийн Хурлын Төсвийн зарцуулалтын хяналтын хороо хуралдлаа. Хурлаар орон нутгийн өмчит төсөвт үйлдвэрийн газруудын үйл ажиллагаа, санхүү, төсөв, өмч, хөрөнгийн талаарх тайлан мэдээлэлтэй танилцаж, холбогдох санал, дүгнэлт гаргасан юм.

Тодруулбал, “Чингэлтэй цогцолбор”, Теле камерын хяналтын дэд төв, Хөрөнгө оруулалт, бүтээн байгуулалтыг дэмжих төв зэрэг газруудын санхүү төсөв, өмч, хөрөнгийн талаарх тайлан мэдээллийг сонсов. Мөн дүүргийн 2025 оны батлагдсан төсөв, төсвийн задаргаа, өмч хөрөнгийн талаарх тайлан мэдээлэлтэй танилцлаа.

Хуралдаанд хорооны дарга Н.Сайнболд, гишүүн Б.Батсайхан, Н.Бямбагэрэл, О.Есөнтөмөр, Т.Уламбаяр, Ж.Чимэдцогзол нар оролцов.