ЗӨВЛӨЛ ХУРАЛДАЖ, ИРЭХ ОНЫ ТӨСВИЙН ТӨСӨЛ, ГАЗАР ЗОХИОН БАЙГУУЛАЛТЫН ТӨЛӨВЛӨГӨӨНИЙ ТАЛААР ГАРГАСАН САНАЛ, ДҮГНЭЛТИЙГ ХЭЛЭЛЦЛЭЭ

Дүүргийн иргэдийн Төлөөлөгчдийн Хурлын Зөвлөл хуралдаж, дүүргийн 2026 оны төсвийн төсөл, 2025 оны төсвийн нэмэлт өөрчлөлт, газар зохион байгуулалтын энэ оны төлөвлөгөөний биелэлт, ирэх оны төлөвлөгөөний талаар гаргасан Хурлын хороодын санал, дүгнэлтийг хэлэлцсэн юм.

    Төсөв санхүү, эдийн засгийн хөгжлийн хорооны зүгээс дүүргийн ирэх оны төсвийн татварын орлогыг төвлөрүүлэхдээ томоохон зах, худалдааны төвүүд, аж ахуйн нэгж, байгууллага, орон сууц түрээслэгчдээс татвар төвлөрүүлэх боломжийг судлахаар гаргажээ. Энэ үеэр Зөвлөлийн гишүүдийн зүгээс төсвийн орлого бүрдүүлэлтэд анхаарч ажиллах шаардлагатайг сануулж, татварын хувь хэмжээг нэмэхгүйгээр бааз сууриа тэлж, орлого бүрдүүлэх нь хэрэгтэй гэдэг байр суурийг илэрхийлэв.