ЗОХИОН БИЧЛЭГИЙН УРАЛДААНЫ ШИЛДГҮҮДЭД ШАГНАЛ ГАРДУУЛЛАА

Хүүхдүүдийн гамшгийн тухай ойлголтыг дээшлүүлж, гамшгийн аюулаас урьдчилан сэргийлэх, бэлэн байдлаа хангах, гамшиг тохиолдсон үед өөрийгөө болон бусдыг авран хамгаалах арга ухаанд сургаж, мэдлэг олгох зорилгоор дүүргийн ЕБС-ийн сурагчдын дунд  “Гамшиг гэж юу вэ, гамшгийн эрсдэлийг бууруулахад хүүхэд бидний оролцоо” сэдэвт зохион бичлэгийн уралдаан зарласан юм.

Уралдааныг дүүргийн Гамшгийн эрсдэлийг бууруулах орон нутгийн зөвлөл, Онцгой байдлын хэлтэс зохион байгуулсан бөгөөд уралдааны шилдгүүд, шалгарч, шагналаа гардан авлаа. Шагналыг Чингэлтэй дүүргийн иргэдийн Төлөөлөгчдийн Хурлын дарга бөгөөд Гамшгийн эрсдэлийг бууруулах орон нутгийн зөвлөлийн дарга Т.Уламбаяр, Онцгой байдлын хэлтсийн дарга Б.Батбилэг нар гардуулав.