ТӨСВИЙН ЗАРЦУУЛАЛТЫН ХЯНАЛТЫН ХОРОО: ОРОН НУТГИЙН ӨМЧИТ ТӨСӨВТ ҮЙЛДВЭРИЙН ГАЗРУУД ДҮРМЭЭ ШИНЭЧЛЭХ ШААРДЛАГАТАЙ

Чингэлтэй дүүргийн иргэдийн Төлөөлөгчдийн Хурлын Төсвийн зарцуулалтын хяналтын хороо  хоёрдугаар сарын 18, 19-нд дүүргийн Орон нутгийн өмчит төсөвт үйлдвэрийн газруудтай танилцлаа.

Орон нутгийн өмчит төсөвт үйлдвэрийн газруудын Улс, Нийслэл, дүүргийн төсвийн хөрөнгө оруулалтаар 2024 онд хийгдсэн хөтөлбөр, төсөл, арга хэмжээний гүйцэтгэл, үр дүн, 2025 оны үйл ажиллагааны төлөвлөгөө, тулгамдаж буй асуудлыг хэлэлцэж санал, дүгнэлт гаргасан. Орон нутгийн өмчит төсөвт үйлдвэрийн газрууд дүрмээ шинэчилж, өөрчлөлт оруулах, нэршилдээ анхаарах зэрэг шаардлагатай нийтлэг зүйлс байгаа юм.

Хурлын хороо санал, дүгнэлтээ гаргаж, дүүргийн иргэдийн Төлөөлөгчдийн Хурлын Зөвлөлд танилцуулна.